મુસાફરો માટે સારા સમાચાર એ છે કે, અમદાવાદથી હાવડા જતી ટ્રેન ફરીથી શરુ થશે. 4 સપ્ટેમ્બરથી આ ટ્રેન ફરીથી દોડશે. ટ્રેનોના રુટ રદ્દ થવાના કારણોમાં ખાસ કરીને પશ્ચિમ મધ્ય રેલવેના જબલપુર મંડળના કેટલાક સ્ટેશનો વચ્ચે ત્રીજી લાઇન કનેક્ટિવિટી સંબંધિત નોન-ઇન્ટરલોકિંગ કાર્યને કારણે ટ્રેનો રદ થઈ હતી. તેમાં પણ અમદાવાદ-હાવડા-અમદાવાદ એક્સપ્રેસ ટ્રેન નંબર 12833/12834ને 6 દિવસ બંધ કરવામાં આવી હતી. હવેથી આ ટ્રેન 04 સપ્ટેમ્બર 2022થી પુનઃસ્થાપિત કરવામાં આવશે.
અગાઉ આ ટ્રેન રદ્દ કરવામાં આવતા મુસાફરોને હાલાકી પડી હતી ત્યારે ફરીથી ટ્રેન શરુ થતા મુસાફરો ટિકિટ બુકિંગ કરાવી શકે છે. ઈલેક્ટ્રોનિક ઇન્ટરલોકિંગ કામ માટે બ્લોક હોવાને કારણે 30 ઓગષ્ટથી આ ટ્રેન બંધ કરવામાં આવી હતી. આ ઉપરાંત અમદાવાદ મંડળની કેટલીક ટ્રેનો બદલાયેલા રૂટ પર દોડાવવામાં આવશે.
બદલાયેલા રુટની આ ટ્રેનો આવતી કાલથી દોડશે
– 01 અને 02 સપ્ટેમ્બર 2022ની ટ્રેન નંબર 19490 ગોરખપુર-અમદાવાદ એક્સપ્રેસ
– 02 સપ્ટેમ્બર 2022ની ટ્રેન નંબર 15560 અમદાવાદ-દરભંગા અંત્યોદય એક્સપ્રેસ
– 02 અને 03 સપ્ટેમ્બર 2022ની ટ્રેન નંબર 19489 અમદાવાદ-ગોરખપુર એક્સપ્રેસ
– 02 સપ્ટેમ્બર 2022ની ટ્રેન નંબર 11466 જબલપુર-સોમનાથ એક્સપ્રેસ
– 03 સપ્ટેમ્બર 2022ની ટ્રેન નંબર 11465 સોમનાથ જબલપુર એક્સપ્રેસ
