– ગુજરાત પોલીસ અધિનિયમ-૧૯૫૧ ની કલમ-૩૭(૩) અન્વયે જાહેરનામું પ્રસિદ્ધ કરાયું
ગુજરાત પોલીસ અધિનિયમ-૧૯૫૧ ની કલમ-૩૭(૩) અન્વયે ભરૂચ જિલ્લામાં કાયદો અને વ્યવસ્થાની પરિસ્થિતિ યોગ્ય રીતે જળવાઇ રહે તે જોવાની ખુબ જ જરૂરિયાત છે જેથી જાહેર વ્યવસ્થા જાળવવાના હેતુ માટે ગુજરાત પોલીસ અધિનિયમ-૧૯૫૧ ની કલમ-૩૭(૩) થી મળેલી સત્તાની રૂ એ અધિક જિલ્લા મેજિસ્ટ્રેટ જે.ડી.પટેલે એક જાહેરનામા ઘ્વારા ભરૂચ જિલ્લાના સમગ્ર મહેસુલ વિસ્તારમાં તા.૧૯/૦૨/૨૦૨૨ નાં ૦૮:૦૦ કલાક થી તા.૦૫/૦૩/૨૦૨૨ રાત્રિના ૨૪:૦૦ કલાક સુધીની મુદ્દત માટે ચાર કરતાં વધુ વ્યકિતઓના એકી સાથે કોઇ પણ જગ્યાએ ભેગા થઈ કોઇ મંડળી, રેલી કે સરઘસ કાઢવા તથા કલેક્ટર કચેરી – ભરૂચની પ્રિમાઇસીસમાં સક્ષમ અધિકારીની પરવાનગી સિવાય ધરણા, ભૂખ હડતાળ પર બેસવા, રેલી કાઢી રેલીનાં સ્વરૂપે આવી આવેદન પત્ર આપવા પર મનાઈ ફરમાવેલ છે.
આ હુકમ ફરજ પર સરકારી નોકરીમાં અથવા રોજગારમાં હોય તે વ્યકિતને, ફરજ પર હોય તેવી ગૃહ રક્ષક દળની વ્યકિતઓ, સ્મશાન યાત્રા-અંતિમયાત્રાને, સક્ષમ અધિકારી તરફથી ખાસ કિસ્સા તરીકેની પરવાનગીને લાગુ પડશે નહી. આ હુકમનો ભંગ કે ઉલ્લંઘન કરનાર કોઇપણ વ્યકિતને ફોજદારી અધિનિયમની કલમ ૧૩૫ ની પેટા કલમ-૩ તથા ભારતીય દંડ સંહિતા ૧૮૬૦ ના પ્રકરણ ૧૦ ની કલમ ૧૮૮ હેઠળ શિક્ષાને પાત્ર ઠરશે તેમ જણાવાયું છે.
બ્યુરો રિપોર્ટ શાહનવાઝ મસાણી
