ભરૂચ શહેરમાં આવેલી નંદેલાવ, ભોલાવ, દાંડીયાબજાર અને મકતમપુર એમ ચાર શાળાઓમાં જ્યુબીલન્ટ ફાઉન્ડેશન વિલાયત ધ્વારા સ્માર્ટ ટી.વી. આપવામાં આવ્યા હતા. આ સ્માર્ટ ટી.વી. એનાયતનો કાર્યક્ર્મ ગુજરાત વિધાનસભાના નાયબ મુખ્યદંડક દુષ્યંતભાઈ પટેલના અધ્યક્ષસ્થાને પ્રાથમિક શાળા નંદેલાવ ખાતે યોજાયો હતો. આ વેળાએ નાયબ મુખ્યદંડક દુષ્યંતભાઈ પટેલે કંપનીના આ કાર્યને બિરદાવ્યું હતું. તેમણે સ્માર્ટ ટી.વી. વિદ્યાર્થીઓના શિક્ષણ કાર્યમાં ઘણું મદદરૂપ થશે. તેમણે વિદ્યાર્થીઓને ઉચ્ચ શિક્ષણ માટે શુભેચ્છાઓ પાઠવી ઉપયોગી માર્ગદર્શન પણ પુરૂ પાડ્યું હતું.
આ પ્રસંગે જિલ્લા બાંધકામ સમિતિના ચેરમેન ધર્મેશભાઈ મિસ્ત્રી, જિલ્લા-તાલુકા પંચાયતના ચૂંટાયેલા જનપ્રતિનિધિઓ, કંપની અધિકારીગણ, શાળાના આચાર્ય તેમજ શાળા પરિવાર અને વિદ્યાર્થીઓ ઉપસ્થિત રહ્યા હતા.
બ્યુરો રિપોર્ટ શાહનવાઝ મસાણી
