Bharuch Express
ब्रेकिंग न्यूज़
Breaking Newsભરૂચ શહેર

ભરૂચ અને સુરતના ક્લામંદિર જવેલર્સમાં 2 ભેજાબાજોએ 4 નકલી બિસ્કિટ વેચી ઠગાઈ કરી, ફરિયાદ નોંધાઈ

ભરૂચ અને સુરતમાં ક્લામંદિર જવેલર્સમાં બે ભેજાબાજોએ ઠગાઈ કરી હતી. જેની પોલીસ ફરિયાદ નોંધાઈ છે. 2 રાજસ્થાની ભેજાબાજોએ સોનાના 4 નકલી બિસ્કિટ વેચી અસલી સોનાની ચેઇન ખરીદી હતી. ભેજાબાજોએ રૂપિયા 1.90 લાખની ઠગાઈ કરી હોવાની ફરિયાદ એ ડિવિઝન પોલીસ મથકે નોંધાઈ છે.
ભરૂચ અને સુરતમાં ક્લામંદિર જવેલર્સને બે રાજસ્થાની ભેજબજોએ બે વખત નિશાન બનાવ્યું હતું. જોકે, ત્રીજી વખત સુરત ખાતે તેઓ ફરીથી સોનાના નકલી 4 બિસ્કિટ વેચવા જતા ઝડપાઇ ગયા હતા. જેથી સુરતની ઉમરા પોલીસે મૂળ રાજસ્થાન અને હાલ સેલવાસ રહેતા ઠગ ગોટુ લાલ પ્રભુજી ગુર્જર અને કિશનલાલ છગનલાલ ગુર્જરની ધરપકડ કરી હતી.
ભરૂચ ક્લામંદિરમાં પણ 8 નવેમ્બરે આ બન્ને ભેજાબાજ પોતાની પાસે રહેલા સોનાના 4 નકલી બિસ્કિટ લઈ વેચવા આવ્યાં હતા. જેની સામે સોનાની 4 તોલાની ચેઇન ખરીદી હતી. જેઓ ગયા બાદ આ બિસ્કિટ સુરત મોકલતા તે નકલી હોવાનો ઘટસ્ફોટ થતા ભરૂચ ક્લામંદિરના બ્રાન્ચ મેનેજર રોનીશ ખાબિયાએ એ ડિવિઝન પોલીસ મથકે ફરિયાદ નોંધાવી હતી. બન્ને ભેજાબાજો સામે સોનાના નકલી 4 બિસ્કિટ પધરાવી રૂપિયા 1.90 લાખની ઠગાઈ કરી હોવાની ફરિયાદ નોંધવામાં આવી છે.

બ્યુરો રીપોર્ટ : શાહનવાઝ મસાણી

Related posts

ભડકોદરાની ગ્રામ સભામાં સરપંચ સહિત 19 સભ્યો ‘ઘેર’ હાજર રહ્યાં

bharuchexpress

ઝઘડિયાથી ટ્રકમાં નીકળેલો 20.97 લાખનો કોસ્ટિક સોડા મુંબઈ પહોંચે તે પહેલા ડ્રાઇવર ચોરી કરી ફરાર થયો

bharuchexpress

અંકલેશ્વરના 3 મહિનાના પાર્થે છોડ્યો જિંદગીનો સાથ…

bharuchexpress

Leave a Comment

टॉप न्यूज़