Bharuch Express
ब्रेकिंग न्यूज़
Breaking Newsવધુ સમાચાર

જંબુસરના અણખી ગામની દૂધડેરીમાં દૂધની ગુણવત્તા તપાસવા મુદ્દે થઈ મારામારી, એક વ્યક્તિને ગંભીર ઇજાઓ

જંબુસર તાલુકાનાં અણખી ગામે દૂધડેરીમાં દૂધ ભરાવા ગયેલા મહિપાલસિંહ નામના વ્યક્તિની સંચાલકો સાથે બોલાચાલી થતાં 4 વ્યક્તિઓએ તેને ગડદાપાટુનો માર મારી ઇજાઓ પહોંચાડી હતી. જે અંગે પીડિતે જંબુસર પોલીસ મથકે 4 ઇસમો વિરુધ્ધ ફરિયાદ નોંધાવતાં પોલીસે વધુ કાર્યવાહી હાથ ધરી હતી.


સૂત્રો અનુસાર આજે શુક્રવારના રોજ સવારે સાત વાગ્યાની આસપાસ ફરિયાદી મેહુલસિંહ સિંધા અણખી ગામની સહકારી દૂધડેરીમાં દૂધ ભરાવા માટે ગયા હતા. તેમની સાથે તેમના મામા પ્રવિણસિંહ મોહનસિંહ પણ ત્યાં દૂધ ભરાવા આવ્યા હતા. તે દરમિયાન તેમણે દૂધડેરીના સેક્રેટરી જગદીશ જશભાઈ પટેલને દૂધના ફેટ કાઢવા જણાવતાં તેઓ ઉશ્કેરાઈ ગયા હતા અને તમારા દૂધના ફેટ નહીં નીકળે તેમ કહીને ગેરવર્તન કરતાં બંન્ને વચ્ચે બોલાચાલી થઈ હતી. જેના પછી સેક્રેટરી જગદીશ પટેલ પ્રવિણસિંહને મારવા જતાં દીકરો મહિપાલસિંહ બચાવવા માટે વચ્ચે પડ્યો હતો.
જેથી દૂધડેરીમાં અન્ય હાજર લોકો નંદકુમાર પિયુષ પટેલ, ઉમેશ ડાહ્યા પટેલ, પિયુષ ગોરધન પટેલે અપશબ્દો બોલી પિતા અને પુત્રને ગડદાપાટુનો માર માર્યો હતો. મહિપાલસિંહને નંદકુમારે હાથમાં પહેરેલું લોખંડનું કડું માથાના ભાગે મારતા મહિપાલસિંહને માથાના ભાગે ગંભીર ઇજાઓ થતાં સારવાર અર્થે વડોદરા ખાતે ખસેડવામાં આવ્યા હતા. આ સમગ્ર બનાવ અંગે જંબુસર પોલીસ મથકે 4 શખ્સો વિરુદ્ધ ફરીયાદ નોંધી વધુ તપાસ હાથ ધરી હતી.

બ્યુરો રીપોર્ટ : શાહનવાઝ મસાણી

Related posts

અંકલેશ્વરના કાપોદ્રાના યુવકની પ્રેમસંબંધની શંકાએ તીક્ષ્ણ હથિયાર વડે હત્યા; સાળા-બનેવીએ ખેતરમાં લઈ જઈ ચપ્પુના ઘા ઝીંક્યા

bharuchexpress

પેટ્રોલ ડીઝલ પછી હવે રાંધણ ગેસ ના ભાવ માં ભડકો

bharuchexpress

ભરૂચની આદિવાસી ઝઘડિયા બેઠક સાથે પાંચેય વિધાનસભાની સેન્સ પ્રક્રિયા પૂર્ણ, ભાજપમાંથી 82 દાવેદારો ચૂંટણી લડવા ઉત્સાહી

bharuchexpress

Leave a Comment

टॉप न्यूज़